Elordada Sırııa jónindegi joǵary deńgeıli 17-shi halyqaralyq kezdesý nátıjeli aıaqtaldy. Bul týraly Astana prosesi aıasyndaǵy kezdesýdi qorytyndylaǵan QR SIM Taıaý, Orta Shyǵys jáne Afrıka departamentiniń dırektory Ońtalap Ońalbaev aıtty, dep habarlaıdy Egemen.kz.
«Búgin Astana prosesi aıasynda Sırııa jónindegi joǵary deńgeıli 17-shi halyqaralyq kezdesý nátıjeli aıaqtaldy. Bárińizge málim, Astana prosesi 2017 jyldan bastap Qazaqstannyń Tuńǵysh Prezıdenti - Elbasy Nursultan Nazarbaevtyń tikeleı qoldaýymen júzege asyp kele jatyr. Bul prosess Sırııa Arab Respýblıkasynyń aýmaǵyndaǵy beıbitshilik pen turaqtylyqty ornatý jolynda aıtarlyqtaı jetistikterge jetti», dedi ol.
Sonymen qatar Ońtalap Ońalbaev Qazaqstan Prezıdenti Qasym-Jomart Toqaev Astana prosesi qarýly qaqtyǵysty toqtaý men bosqyndardyń óz eline qaıtyp oralýyna qolaıly jaǵdaı jasap, taraptardyń ýaǵdalastyqty saqtaýy mańyzdy ekenin atap ótkenin eske saldy.
«Nátıjesinde Nur-Sultanda ótken kelissózdiń 17-raýndy osy júıeli, ári tıimdi jumystyń jalǵasy boldy dep nyq senimmen aıtýǵa bolady», dedi departament dırektory.