Nur-Sultanda 2021 jyldyń qorytyndysy boıynsha Qazaqstan trıatlon federasııasynyń resmı marapattaý rásimi ótti, dep habarlaıdy Egemen.kz Olympic.kz-ke silteme jasap.
«Jyl serpilisi - úzdik sportshy» nomınasııasymen Cholpon-Atada sprınterlik dıstansııada Azııa chempıonatynyń kúmis júldegeri, sýpersprınttik, sprınterlik jáne standartty dıstansııalarda trıatlonnan Qazaqstannyń absolıýtti chempıony, sondaı-aq Pro sanatynda TEMIRADAM kýboginiń jeńimpazy Ekaterına Shabalına marapattaldy.
2021 jylǵy sprıntte Azııa chempıony, ulttyq reıtıngtiń absolıýttik kóshbasshysy, Pro sanatynda TEMIRADAM kýbogynyń jeńimpazy, ulttyq quramanyń múshesi Daryn Qonysbaev ekinshi ret «Jyl sportshysy» atandy.
«Jyl jattyqtyrýshysy» retinde Aqmola oblysynyń jas trıatletterin tárbıelep otyrǵan Karolına Gıdıch tanyldy. Cholpon-Atadaǵy qurlyqtyq birinshilikte Gıdıch tárbıelenýshileri búkil qurmet podıýmyn jeńip aldy.