Erlan Bekmurzaev Nur-Sultan qalasy ákiminiń orynbasary bolyp taǵaıyndaldy, dep habarlaıdy Egemen.kz.
«Ákimniń burynǵy orynbasary Malıka Bekturova basqa qyzmetke aýysýyna baılanysty Nur-Sultan qalasy ákiminiń orynbasary bolyp taǵaıyndaldy. Prezıdent Ákimshiligimen kelise otyryp, 37 jastaǵy Erlan Bekmurzaev ákimniń orynbasary boldy», delingen habarlamada.
Bekmurzaev eńbek jolyn 2007 jyly Astana qalasynyń Jumyspen qamtý jáne áleýmettik baǵdarlamalar basqarmasynyń mamany bolyp bastaǵan. Osy jyldar ishinde Indýstrııa jáne jańa tehnologııalar mınıstrliginde sarapshy qyzmetin, 2017-2021 jyldar aralyǵynda elordanyń Investısııalar jáne damý basqarmasynyń orynbasary, bastyǵy bolyp jumys istegen. 2021 jyldan bastap Nur-Sultan qalasyndaǵy Almaty aýdanynyń ákimi. Memlekettik qyzmettegi jalpy eńbek ótili - 15 jyl.