Qaraǵandy oblysynyń eki turǵyny arasynda janjal shyǵyp, atysqa ulasqan, dep habarlaıdy Egemen.kz.
Oqıǵa 17 jeltoqsanda oryn aldy. Qaraǵandy oblysy Osakarov aýdanynyń polısııa bólimine kentterdiń birinen eki aýyl turǵyny arasynda qaqtyǵys bolǵany týraly habarlama kelip tústi.
Oqıǵa ornyna dereý jetken tergeý toby eleýli saldarǵa ákelgen janjal burynǵy ókpe-renishten bastalǵanyn anyqtady.
«Sózge kelisip qalǵan azamattardyń janjaly tóbeleske ulasty, keıin olardyń biri, 35 jastaǵy er adam úıge kirip, ózimen birge ańshylyqqa arnalǵan myltyǵyn alyp shyǵyp, oǵan oq jaýdyrdy. Atystan zardap shekken adam Qaraǵandynyń medısınalyq mekemesine jetkizildi. Kúdikti óz kinásin tolyqtaı moıyndady», dep túsindirdi Qaraǵandy oblysy PD baspasóz qyzmeti.
Tergeý barysynda kúdiktiden zattaı dáleldemeler, myltyq pen gılza tárkilendi. QR QK 293-baby «Buzaqylyq» boıynsha qylmystyq is qozǵaldy. Qazirgi ýaqytta tergeý amaldary júrgizilýde.