Qutqarýshylar Qostanaı oblysynda kishkentaı balalary bar otbasyn qar qursaýynan qutqardy, dep habarlaıdy Egemen.kz oblystyq TJD baspasóz qyzmetine silteme jasap.
24 jeltoqsan kúni túnde saǵat 02:50-de Jambyl aýyldyq okrýginde 112 kezekshi qyzmetinen Qostanaı men Samır kenti arasyndaǵy tas jolda Volkswagen markaly jeńil avtokólik qar qursaýynda qalǵany týraly habarlama kelip tústi.
«Kólikte tórt adam bar, onyń ekeýi bala. Otbasy Samır aýylyna bet aldy, biraq aýa raıy saldarynan olar qaıtyp oralýǵa sheshim qabyldap, jolda qar qursaýynda qaldy. Kómekke Qostanaı jedel qutqarý jasaǵynyń qutqarýshylary TREKOL joǵary ótimdi mashınasy jóneltildi. Kabeldiń kómegimen avtokólik tegis jolǵa súıreldi. Otbasy músheleri aman-saý», dep habarlady vedomstvodan.