Taıson teńdessiz dep tanyldy

Alyptar kóshin WBC nusqasy boıynsha álem chempıony Taıson Fıýrı bastap tur. 33 jastaǵy Ulybrıtanııanyń maqtanyshy kásipqoı rıngte 32 kezdesý ótkizip, 31 ret jeńiske jetti. 22 qarsylasyn uryp jyqty. Taǵy bir básekede teń tústi. Iаǵnı óz karerasynda ol birde-bir ret jeńilgen joq. Ekinshi orynda – Aleksandr Ýsık. Buǵan deıin birinshi aýyr salmaqta kúsh synasyp, qarsylas shaq keltirmegen 34 jastaǵy ýkraınalyq boksshy 2019 jyldan beri alyptarmen aıqasýdy qup kórdi. Sol aralyqta WBA super, WBO, IBF jáne IBO nusqalarynyń altyn belbeýlerin alyp ta úlgerdi. Chempıondyq básekede dál sol Ýsıkten utyl­ǵan ulybrıtanııalyq Entonı Djoshýa úshin­shi orynǵa turaqtady. Sondaı-aq Deonteı Ýaılder (AQSh), Dıl­lıan Ýaıt (Ulybrıtanııa), Djozef Djoıs (Uly­brıtanııa), Djozef Parker (Ja­ńa Zelandııa), Endı Rýıs (AQSh), Lýıs Ortıs (Ký­ba) jáne Frenk Sanches (Kýba) syndy gúrzi ju­dyryqty jigitter úzdik ondyqtyń qataryna endi.

Qazaqstannyń boksshylary arasynda eń táýir nátıje Jan Kosobýskııge tıesili. 33 jastaǵy jerlesimiz qazirde 37-oryn­dy ıelenýde. 31 jastaǵy Ivan Dychko 55-satyǵa jaıǵasty. Bir aıta keterligi, bul boksshy­lar­dyń ekeýi de Qostanaı oblysynyń týmalary.