26 jastaǵy Qazaqstannyń tanymal tennısshisi Anna Danılına Úndistannyń Pýna qalasynda ITF W25 serııasy boıynsha ótken halyqaralyq týrnırdiń jeńimpazy atandy.
Ýkraınalyq Valerııa Strahovamen birge juptyq saıysta synǵa túsken jerlesimiz alǵashqy aınalymdarda jergilikti tennısshilerdiń tas-talqanyn shyǵarsa, jartylaı fınalda Tatýdja Býhosale (Úndistan) men Hıroka Kývatadan (Japonııa) basym tústi. Aqtyq synda olar japonııalyq Fýna Kozakı jáne Mısakı Masýdamen sheberlik baıqasty. Bul tartys 6:0, 2:6, 10:5 esebimen Danılına men Strahova jubynyń paıdasynan sheshildi.
Osylaısha, álemdik reıtıngte juptyq synda 75-orynda turǵan otandasymyz úshin bul ITF World Tennis Tour dodalaryndaǵy 23-shi jáne bıylǵy 9-shy jeńisi. Sondaı-aq Anna bıyl Polshada ótken WTA 250 jarysynda alǵash ret chempıondyq ataqqa qol jetkizdi.