Memleket basshysy Qasym-Jomart Toqaev TMD-ǵa múshe memleketterdiń beıresmı sammıti aıasynda Reseı Prezıdenti Vladımır Pýtınmen kezdesý ótkizdi, dep habarlady Prezıdenttiń baspasóz qyzmeti.
Taraptar Qazaqstan men Reseı arasyndaǵy strategııalyq seriktestiktiń túrli aspektilerin talqylady. Memleketter basshylary eki el arasyndaǵy saýda-ekonomıkalyq qatynastardyń damýyna kóńilderi tolatynyn aıtty. Sondaı-aq bilim berý, sıfrlandyrý, energetıka jáne basqa da salalardaǵy yqpaldastyqty nyǵaıtý qajettigin atap ótti.
– Bilim berý salasyndaǵy kelisim – óte mańyzdy. MFTI jáne Baýman atyndaǵy Máskeý memlekettik tehnıkalyq ýnıversıteti sııaqty Reseıdiń jetekshi joǵary oqý oryndarynyń fılıaldarynda mamandar daıarlaýǵa nıettimiz, – dedi Qasym-Jomart Toqaev.
О́z kezeginde Vladımır Pýtın Qazaqstan Prezıdentin kelesi jyldyń basynda Reseıge saparmen kelýge shaqyrdy.