Atyraýda 74 jyldan beri kishi býyn mamandardy daıarlaıtyn joǵary medısınalyq kolledj bar. Qazir kolledjde 1 365 stýdent bilim alady. Onyń ishinde 800-den astamy – aýyldan kelgen jastar.
– Kolledjde bilim alatyn stýdentter úshin Tuńǵysh Prezıdent – Elbasy Nursultan Nazarbaevtyń «Bes áleýmettik bastama» atty halyqqa úndeýi men Memleket basshysy Q.Toqaevtyń «Jastar jyly» sheńberinde jastardy qoldaý is-sharalaryn júzege asyrý týraly Úkimetke bergen tapsyrmasy aıasynda jańa jataqhana salyndy. Memleket basshysy bıylǵy Joldaýynda «Vırýspen kúres kezinde dál osy sala elimizdiń básekege qabileti men qaýipsizdigi úshin mańyzdy ekenine kózimiz jetti» dep atap kórsetken edi. Qazirgi basty mindet – halyq saýlyǵyn qorǵaý jáne sapaly medısınalyq qyzmet kórsetý. Osyǵan oraı óńir medısınasyn damytý maqsatynda júıeli jumystar júrgizilip jatyr. Táýelsizdiktiń 30 jylynda 65 densaýlyq saqtaý nysany qoldanysqa berildi. Qazir oblysta medısınalyq tehnıkamen jabdyqtalý kórsetkishi 91 paıyzdy quraıdy, – deıdi oblys ákimi Mahambet Dosmuhambetov.
Kópbeıindi joǵary kolledjdiń jańa jataqhanasy zamanaýı qural-jabdyqtarmen qamtyldy. Munda em qabyldaý, oqshaýlaý, alǵashqy medısınalyq kómek kórsetý, ózin-ózi daıyndaý bólmeleri, sondaı-aq basseın, fıtnes, oqý, májilis zaldary, ashana bar. Jataqhananyń ár qabatynda demalý, kir jýý bólmeleri qarastyrylǵan.
Atyraý oblysy