Sýdandaǵy altyn kenishindegi apat kezinde 40-tan astam adam qaza tapty, dep habarlaıdy Egemen.kz Al Arabiya telearnasyna silteme jasap.
Aqparatyna sáıkes, apat ornynda izdeý jumystaryn júrgizý jalǵasyp jatyr. Buǵan deıin ken ornynda 46 adam bolǵany týraly habarlanǵan.
Aıta ketsek, jeksenbi kúni Batys Kordofan shtatyndaǵy En-Nýhýd aýdanyndaǵy Ýmm-Darsaıa jeke menshik altyn kenishinde apat oryn aldy. Apat kezinde birden birneshe uńǵyma opyrylyp túsken, jerdiń astynda bolǵan kenshiler joǵaryǵa shyǵa almaı qalǵan.