Ekinshi orta salmaq dárejesindegi álemniń absolıýtti chempıony Saýl «Kanelo» Alvarestiń bapkeri Eddı Reınoso shákirtiniń aldaǵy jekpe-jekteri týraly oıymen bólisti, dep habarlaıdy Egemen.kz sports.kz-ke silteme jasap.
Buǵan deıin mamandar Saýl Alvares pen Davıd Benavıdes arasynda shaıqas ótkizý týraly birneshe márte óz pikirlerin aıtyp, uıymdastyrylǵan jaǵdaıda atalmysh jekpe-jektiń tartysqa toly bolatyndyǵyna senimdi ekendikterin jetkizgen edi. Reınoso bul taqyrypty syrt aınalyp ótken joq.
«Davıdtiń rekordtaryna qarap, onyń kimdermen judyryqtasqanyn aıqyn túsinýge bolady. Myqtylardan eshkimdi jeńgen joq. Onyń basty jeńisi – Entonı Dırrelden aılasyn asyrǵany. Alaıda Dırrel ekinshi orta salmaq dárejesinde aıtarlyqtaı tabysqa qol jetkizgen joq. Bir anyǵy ol aıtarlyqtaı myqty boksshy emes. Úshinshi surypty boksshylardy jeńgenimen maqtanbasa, basqa eshteńesimen maqtana almaıdy.
Ekinshi orta salmaq dárejesinde Saýl eki boksshymen qolǵap túıistirgendi maqul kóredi. Olar Djermall Charlo jáne Gennadıı Golovkın», dedi bapker óz oıyn túıindep.