Qazaqtyń tanymal kásipqoı boksshysy Qanat Islamnyń qarsylasy belgili boldy. Ol 21 qańtarda AQSh-tyń Plant-Sıtı qalasynda ulybrıtanııalyq Djımmı Kellımen kúsh synasady.
Tumandy Albıon eli ókiliniń kásipqoı rıngte jıǵan biraz bedeli bar. 29 jastaǵy Djımmı osy kúnge deıin 27 kezdesý ótkizip, 25 márte jeńiske jetti. 10 qarsylasyn nokaýtqa jiberdi. Tek eki ret ǵana jeńilistiń kermek dámin tatty. Ulybrıtanııa boksshynyń 2015 jyldyń jeltoqsan aıynda WBO nusqasy boıynsha álem chempıony atanýǵa tamasha múmkindigi boldy. Alaıda óziniń otandasy Lıam Smıtpen bolǵan jekpe-jektiń jetinshi raýndynda ol tehnıkalyq nokaýtpen utyldy. О́ziniń sońǵy básekesin Kellı osy jyldyń 12 jeltoqsanynda Garrı Mettıýsqa qarsy ótkizip, ony úshinshi raýndta uryp jyqty.
Al Qanat Islamnyń júrip ótken joly jankúıerlerdiń kóz aldynda. 10 jylǵa jýyq ýaqyt aralyǵynda 28 ret sharshy alańǵy shyǵyp, barlyq básekeni óz paıdasyna sheshken qazaq boksshysy 22 aıqasty merziminen buryn aıaqtady.