Ekinshi orta salmaq dárejesindegi álemniń absolıýtti chempıony Saýl «Kanelo» Alvarestiń bapkeri Eddı Reınoso jıi salmaq aýystyratyn Alvarestiń asa aýyr salmaqta qolǵap túıistirip júrgen ýkraınalyq Aleksandr Ýsıkke qarsy eshqashan rıngke kóterilmeıtinin jetkizdi, dep habarlaıdy Egemen.kz.
«Saýl Aleksandr Ýsıkpen eshqashan kezdespeıdi. О́ıtkeni ýkraınalyq boksshy asa aýyr salmaqta baq synap júr. Esesine Aleksandr Ýsıkke qarsy Frenk Sanches daıyndalyp júr. Biz Sanchesti kelesi jyly álem chempıonymen kezdestirýge nıettimiz. Ol qazirgi kezde WBC tujyrymy boıynsha reıtıngte tórtinshi orynda tur. О́zge uıymdardyń reıtınginde de úzdik bestikte bar. Sondyqtan Frenk Sanches álem chempıony ataǵyna talasýǵa ábden laıyqty», deıdi bapker.