Halyqaralyq shaıbaly hokkeı federasııasy (IIHF) Kanadanyń Edmonton jáne Red-Dır qalalarynda ótip jatqan shaıbaly hokkeıden jastar arasyndaǵy álem chempıonatyn merziminen buryn toqtatty.
Uıymdastyrýshylardyń mundaı sheshim qabyldaýyna, Reseı quramasy oıynshylarynan koronavırýsty anyqtaıtyn test nátıjesiniń oń shyǵýy sebep boldy. Nátıjesinde, Slovakııaǵa qarsy ótken oıynda reseılikterge tehnıkalyq jeńilis jazyldy. Buǵan deıin Fınlıandııamen bolǵan oıynda Chehııaǵa da osyndaı jeńilis jazylǵan edi. Sebebi Chehııa quramasynyń bir oıynshysynan koronavırýs anyqtalǵan bolatyn. Sonymen qatar dál osyndaı jaǵdaımen AQSh quramasy da Shveısarııadan «jeńilýge» májbúr boldy.
IIHF prezıdenti Lıýk Tardıftiń aıtýynsha, federasııa jarysty 2022 jyldyń jazynda qaıta ótkizýdi josparlap otyr.