Elimizdegi básekelestikti qorǵaý jáne damytý agenttiginiń otyn-energetıka ónerkásibi departamenti basqarmasynyń basshysy Qýat Asambekov Mańǵystaý oblysyndaǵy másele nazardan tys qalmaı, «karteldik kelisim» baǵytynda tergeý bastalǵanyn tiline tıek etti, dep habarlaıdy Egemen.kz.
Ortalyq kommýnıkasııalar qyzmeti alańynda ótken baspasóz máslıhatynda QR básekelestikti qorǵaý jáne damytý agenttiginiń otyn-energetıka ónerkásibi departamenti basqarmasynyń basshysy Qýat Asambekov suıytylǵan gaz baǵasynyń naryǵynda qalyptasqan jaǵdaı boıynsha birqatar óńirde tergeý jumystary bastalǵanyn sóz etti.
«Agenttik tarapynan mańyzdy máselege qatysty taldaý jumysy júrgizildi. Búginde Mańǵystaý oblysynda baǵany kelisý boıynsha, karteldik kelisim boıynsha tergeý bastaldy. Odan bólek Qostanaı, Soltústik Qazaqstan oblystary boıynsha tergeý júrgizilýde. Ázirge qorytyndy sóz aıtatyn ýaqyt kelgen joq. Birshama ýaqyttan keıin naqty málimettermen bólisý múmkin bolmaq», dedi agenttik ókili.
Buǵan deıin QR Premer-Mınıstriniń resmı saıty Mańǵystaý oblysyndaǵy janarmaı stansalarynyń ıeleri suıytylǵan munaı gazynyń qunyn lıtrine 120 teńgeden 85-90 teńgege deıin tómendetý týraly sheshim qabyldaǵanyn jazǵan bolatyn.