Qýatty Qostanaı traktory

Qostanaı traktor zaýyty byltyr 400 traktor qurastyryp, óndiris kólemin 65%-ǵa deıin ul­ǵaıtty. Aldyńǵy jyly nebári 242 traktor jasap shyǵarǵan za­ýyt, osylaısha, josparyn 20 pa­ıyzǵa asyra oryndap, jyldy je­misti aıaqtady. Buǵan deıin trak­tordy Reseıden bútindeı ból­shek túrinde ákelip, ony tek qu­rastyrýmen ǵana shektelip kel­gen qostanaılyq zaýyt byl­tyr­dan bastap «Kıroveske» qa­­jet plastık bólshekterdi tú­geldeı Qostanaıda óndire bas­tady.

– Bizdiń zaýyt óz damýyndaǵy jańa bir kezeńdi eńserdi. Plas­tıkten jasalatyn komponentter óndirisin iske qosý ońaı bol­ǵan joq. Zaýyt mamandary Sankt-Peterbýrgte oqyp kel­di. Ná­tıjesinde, qazir trak­tor­dyń al­dyńǵy jáne artqy doń­ǵa­laq­tarynyń jabyn qanattaryn, akkýmmýlıator batareıasynyń qap­tamasyn, kabınanyń tóbesin jáne kapotty ózimiz jasaımyz. Ásirese, kapot jasaý asa qıyn. Ol úshin pishini ártúrli 19 qo­symsha detal jasap shy­ǵarý kerek. Sonymen qatar ja­ńa qurylǵyny meńgerýdiń nátı­jesinde ballastyq júkti, ıaǵnı tehnıkanyń tepe-teńdigin saq­taýǵa qajet quraldy óndirýdi ıger­dik. Shartty túrde, bir trak­torǵa mundaı bólshektiń 80 shaq­tysy qajet. Onyń báriniń sal­maǵy 1 myń kılodan asady. Bir aýysymda biz 162 ballastyq júk shyǵaramyz, al bir maýsymda onyń sany shamamen 40 myńǵa jetedi, – dedi Qostanaı traktor zaýytynyń dırektory Dınara Shúkijanova.

Kompanııa basshysynyń aıtýynsha, Qostanaı traktor zaýyty eki jyl ishinde óndiristi damytýǵa serpin beretin biraz sharýanyń basyn qaıyrǵan. Bú­gingi tańda óndiristi óristetýge qajet zamanaýı jabdyqtar, se­nimdi seriktester bar. Qazir ká­siporyn qýaty 300 jáne 420 at kúshine teń «Kıroves» traktorlaryn shyǵarady.

Bıyl traktorlardy áli de ja­ńar­ta túsý josparlanyp otyr. Máselen, K-7M traktor­la­­ryndaǵy jańa gıdrojúıe en­di bi­rizdendiriletin bolady. Sondyqtan ár traktor qa­shyq­tan basqarý júıesi­men jab­dyq­talady. Bul tehnı­kanyń tur­ǵan jerin, onyń jyld­am­dyǵyn, otyn shyǵynyn, qoz­ǵalt­­qyshtyń jaı-kúıin onlaın re­jimde baqylaýǵa múmkindik beredi.

Qostanaı oblysy