UFC-diń jeńil salmaqtaǵy burynǵy ýaqytsha chempıony Dastın Poreniń kezekti qarsylasy anyqtaldy, dep habarlaıdy Egemen.kz.
Derekterge sensek, Dastın Neıt Dıazǵa qarsy oktagonǵa shyqpaq. Jekpe-jek jaqyn arada ótedi dep kútilýde. Alaıda eki myqty arasyndaǵy shaıqastyń naqty datasy ázirge belgisiz.
«Men qazir Dıaz ekeýmiz segiz buryshqa qashan shyǵatynymyzdy naqty aıta almaımyn. Ol oktagonda kim myqtyny anyqtaý týraly usynysyn jetkizdi. Men kelisimimdi berdim. Endi naqty onyń jaýabyn kútý jáne shaıqastyń datasyn belgileý máselesi ǵana qaldy», deıdi Dastın Pore.
Dastın Pore sońǵy jekpe-jeginde jeńil salmaq dárejesindegi álem chempıony Charlz Olıveıramen kezdesip, qarsylasyna mezgilinen buryn ese jiberse, Neıt Dıaz ulybrıtanııalyq Leon Edvardstan jeńilgen bolatyn.