Elimizdiń Ishki ister mınıstriniń mindetin atqarýshy Erlan Turǵymbaev Almaty qalasyndaǵy áýejaıdy basyp alýǵa 800 adam nıetti bolǵanyn aıtty, dep habarlaıdy Egemen.kz.
«Almatynyń aýdandaryndaǵy sherýshilerdiń birneshe toptary patrýldik polısııa ókilderine shabýyl uıymdastyrǵan. Tártipsizdikke qatysqandar 7 birdeı qarý-jaraq dúkenin basyp alyp, qarý-jaraq pen oq-dárilerdi ıelenip alǵan. Ol az bolǵandaı, qoǵamdyq kólikti, kommýnaldyq tehnıkany basyp alǵan. Qyzmettik avtokólikterdi, sonyń ishinde órt sóndirý mashınalaryn órtegen», deıdi mınıstrdiń mindetin atqarýshy.
Mınıstrdiń mindetin atqarýshy zardap shekkenderge medısınalyq kómek kórsetý úshin kelgen jedel járdem kólikterine kedergi jasalǵanyn málimdedi.
Onyń sózine sensek, qaladaǵy áýejaıdy basyp alýǵa 800 adam qatysqan.
«800-ge jýyq adam halyqaralyq áýejaıdy basyp aldy. Saldarynan ushýǵa tıis 60 reıs pen ushyp kelýge tıis 56 reıs toqtatyldy. Bul Almaty qalasynda jolaýshylar úshin úlken problemalar týyndatty. Áýejaı ǵımaratyndaǵy barlyq saýda dúńgirshekteri men dúkender, kassalar tonaldy», dedi mınıstrdiń mindetin atqarýshy.