10 qańtar kúngi 09-00-degi jaǵdaı boıynsha jappaı tártipsizdikter kezinde bızneske keltirilgen shyǵyn kólemi 93,7 mlrd teńgeden asty, dep habarlaıdy Egemen.kz «Atameken» UKP baspasóz qyzmetine silteme jasap.
«Osy jyldyń 10 qańtary saǵat 09.00-degi jaǵdaı boıynsha bızneske keltirilgen shyǵynǵa qatysty baılanys ortalyǵyna 2774 qońyraý tústi, sonyń ishinde: maroderlyq máseleleri boıynsha – 1406, fors-major – 39, blok-beketter – 2, zardap shekken kásipkerlerdi qoldaý qory boıynsha – 3, jeke tulǵalardan túsken qońyraýlar – 1324» delingen habarlamada.
Sondaı-aq, Ulttyq kásipkerler palatasy taratqan málimetke saı, eldiń 9 óńirinde 1488 nysanda ornalasqan 1 319 zardap shekken bıznes sýbekti anyqtaldy, sonyń ishinde Almaty qalasynda – 1399 obektide ornalasqan 1234 sýbekt.
«Zardap shekken bıznes salalary: saýda – 1245; qoǵamdyq tamaqtaný – 25; qarjy sektory – 37; logıstıka – 9; BAQ – 2. Shyǵynnyń jalpy somasy aldyn ala esepke sáıkes 93,7 mlrd teńgeden asty (Almatyda 92,2 mlrd teńge)» delingen habarlamada.