Almaty tirshiligi arnasyna túsip keledi

Almatynyń tynys-tirshiligi bir­tindep qalpyna kelmek. Ter­ro­rızmge qarsy shuǵyl áreket áli de jalǵasýda. Shahardyń kireberis qaq­palaryna qoıylǵan blok-beketter kirgen-shyqqan kólikter men jeke tulǵalardy jiti tekserýde. Qala komendatýrasy taratqan sońǵy aqpar­ǵa sáıkes lańkestik, tonaý jáne bas­qa da qylmystardyń 508 qa­tysýshysy qolǵa tústi. 22 birlik atys qarýy men 1 412 oq-dári tárkilendi. Blok-beketterde 56 adam, 9 kúdikti kólik ustalǵan. «102» basqarý pýltine myńnan asa habarlama, komendatýra­nyń kol-ortalyǵyna azamattardan jedel áreket etýdi talap etetin 525 dabyl túsken. Bul aqparattar kún saıyn jańarýda.

Qala ákimi Baqytjan Saǵyn­taev shahar turǵyndaryna ty­nysh­tyq pen batyldyq tanytyp, jaǵ­daıdy turaqtandyrýǵa jáne tártip ornatýǵa yqpal et­ke­ni úshin alǵys aıtty. Ol Pre­zıdenttiń shuǵyl is-qımylynyń nátıjesinde eldiń kúıreýiniń aldyn alýǵa qol jetkenin atap ótti.

«Qazaqstan búkil álemge eli­­mizdi jáne halqymyzdy kúı­re­tý múmkin emestigin dálel­dedi. Biz halqymyzdyń qıyn kezeń­­derde uıymshyl bolyp, judy­­ryqtaı jumylyp áre­ket etetinine taǵy da kóz jet­kizdik. Almatylyqtarǵa tártip­sizdik kezinde bizge kórset­ken kómekteri úshin alǵys aıtamyn», dedi B.Saǵyntaev.

Almatynyń tynys-tirshiligin qalpyna keltirý jónindegi qala­­lyq shtab táýlik boıy jumys isteı­di. Barlyq qyzmetter antı­ter­rorıstik ortalyqpen tyǵyz qa­rym-qatynasta. Qalanyń búkil aýdan­darynda tazalyq jumys­tary júrgizilýde. Kóshelerden 200 tonnadan astam qoqys, aýla­lar­dan 1 myń tonnaǵa jýyq qal­dyq shyǵaryldy. Kommý­nal­dyq qyz­metter áskerı qyzmet­shi­ler zalal­syzdandyrǵan aýmaq­tar­ǵa kiredi. Qalany tazartý jumys­taryna quqyq qorǵaý qyz­met­ker­leri de atsalysýda. Aıta ket­sek, oryn alǵan qıyn jaǵ­daıǵa qa­ra­mastan qalanyń tynys-tirshi­ligin qamtamasyz etý júıesi úzilis­siz jumys istedi. Halyqty sý­men jabdyqtaý, káriz, gazben jab­dyqtaý, jylý qyzmetterinde irkilis joq.

Almatynyń azyq-túlik qaýip­sizdigi, ónimderdiń tap­shylyǵy birtindep retke kelip jatyr. 80-ge jýyq sýpermar­ket, úsh iri azyq-túlik bazary, 70-ke jýyq JQS, 111 dárihananyń esigi qaı­ta ashyl­dy. Úsh dárihana táýlik bo­ıy ju­mys isteıdi. Avtogaz baǵa­sy lıtrine 70 teńgege deıin tómen­dedi. Qabyldanyp jatqan sha­ra­lar qala ómirin birtin­dep qa­lyp­qa keltirýge múmkindik berdi.

«Tek sabyrlyq, shydamdy­lyq pen túsinistik qajet», degen B.Saǵyntaev TJ rejiminiń ta­lap­taryn múltiksiz saqtaý jáne komen­danttyq saǵatty buzbaý qa­jet­tigin eske saldy.

«Bolǵan jaǵdaı bárimizdi qyn­­jyltty. Arý qalamyzdyń kóz aldymyzda qıraýy qabyr­ǵamyz­dy syzdatty. Endi es jımastaı kórinip edik. Shúkir, tirshilik qaı­ta jandana bastady. Bul oqıǵa bá­rimizge úlken sabaq boldy. Bas­tapqy kúnderi jurt dúkennen nan tap­paı sendelgenin kórdik. Osy­dan keıin tynyshtyqtyń, táýel­siz­diktiń baǵasy bizdiń sanamyzda odan saıyn bıikteı túsetini sózsiz», deıdi qala turǵyny Erǵa­nat Qýatbekuly.

ALMATY