Aqtóbe oblystyq sanıtarııalyq-epıdemıologııalyq baqylaý departamentine jańa basshy taǵaıyndaldy, dep habarlaıdy Egemen.kz.
Aqtóbe oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva zeınet demalysyna shyǵyp, jańa basshy bolyp Raıhan Qoıshanova taǵaıyndaldy.
Departamenttiń baspasóz qyzmetiniń habarlaýynsha, ol Marat Ospanov atyndaǵy Batys Qazaqstan medısınalyq ýnıversıtetiniń gıgıenıst-epıdemıolog mamandyǵy boıynsha támamdaǵan.
Eńbek jolyn Aqtóbe oblystyq sanıtarııalyq-epıdemıologııalyq stansııasy laboratorııasynyń bakterıolog dáriger bolyp bastady.
Qazirgi kezde osy saladaǵy eńbek ótili - 27 jyl. Buǵan deıin departamenttiń bólim basshysy qyzmetterin, al 2017 jyldan bastap Aqtóbe oblystyq sanıtarııalyq-epıdemıologııalyq baqylaý departamenti basshysynyń orynbasary boldy.