UQShU quramyndaǵy Reseı bitimgerleri Almatydan Máskeý oblysyndaǵy «Chkalovskıı» áýejaıyna ushyp ketti, dep habarlaıdy Egemen.kz.
«Qazaqstandaǵy UQShU bitimgershilik kúshteri quramyndaǵy reseılik bólimsheler Reseı áskerı-kólik avıasııasy ushaqtaryna áskerı tehnıkany tıep, Almatydan ushyp shyqty», delingen habarlamada.
Armenııa, Belarýs jáne О́zbekstannan kelgen bitimgerler 14 qańtarda eline oraldy. Barlyq bitimger bólimsheni turaqty ornalasý pýnktine qaıtarýdy 19 qańtarǵa deıin aıaqtaý josparlanǵan.
«Almaty» aerodromynan barlyǵy 19 ushaq ushyp ketti, olar Reseı Federasııasyna UQShU kúshteri quramyndaǵy reseılik bitimgerlerdi jetkizedi», dep habarlady Reseı Qorǵanys mınıstrligi.
«Qazirgi ýaqytta Reseı áskerı-kólik avıasııasynyń 19 ushaǵy (18 Il-76 ushaǵy jáne 1 An-124 «Rýslan» ushaǵy) Almaty aerodromynan ushyp shyqty», delingen habarlamada.
Búginde ushaqtar áýe kúshteri bólimsheleriniń jeke quramy men jabdyqtaryn Máskeý oblysyndaǵy Chkalovskıı aerodromyna jetkizip jatyr.