Almaty qalasy Polısııa departamenti zańsyz qarý saqtaǵan azamattarǵa qarýlaryn jaqyn jerdegi polısııa basqarmasyna óz erkimen tapsyrýǵa múmkindik berilgenin málimdedi, Egemen.kz.
Sonymen qatar QR QPK-niń 287 babyna sáıkes qarý men oq-dárilerdi tapsyrǵan adamdar qylmystyq jaýapkershilikten bosatylady.
«Urlanǵan qarý-jaraq, oq-dáriler jáne arnaıy quraldar týraly aqparat biletin bolsańyz, «102» pýltine habarlasýyńyzdy suraımyz, anonımdilikke kepildik beriledi.
Zańsyz saqtalǵan qarý-jaraq pen oq-dárilerdi óz erkimen bermegen azamattar anyqtalǵan jaǵdaıda qylmystyq jaýapkershilikke tartylatynyn eskertemiz», delingen habarlamada.
Suraqtar boıynsha myna telefondar arqyly habarlasýǵa bolady: 8-747-333-91-60; 8-777-346-44-77