Ońtústik Qazaqstan oblysyndaǵy bir fırmada jumys jasaǵan 59 jastaǵy Fransııa azamaty ózine jumys berýshiden 100 myń dollardan artyq aqsha men jarty mıllıonǵa jýyq teńgeni urlap alǵanyn moıyndady. Bul týraly Remarka.kz habarlady.
Ústimizdegi jylǵy 23 aqpanda Shymkent qalalyq ishki ister basqarmasynyń Abaı polısııa bólimine qaladaǵy fırmalardyń biriniń dırektory belgisiz bireýlerdiń seıfinen iri kólemdegi aqshany urlap ketkeni týraly aryzdanyp keldi. Oqıǵa ornyna kelgen polısııa qyzmetkerleri munda belgisiz bireýlerdiń syrtqy esiktiń kiltin taýyp alý arqyly fırma ǵımaratyna kirgenderin anyqtady. Qaskóıler osylaısha dýadaq ósirýmen aınalysatyn fırmanyń temir jáshiginen 200 myń AQSh dollary men 400 myń teńgeden astam aqshany seıften alyp ketken. Arada apta ótkende jedel izdestirý bóliminiń qyzmetkerleri osy fırmada dýadaq ósirýshi bolyp jumys jasaıtyn Fransııanyń 1955 jyly týǵan azamatyn ustady.
«Ustalǵan azamattyń sózine qaraǵanda, ol kezinde fırmanyń qus ósirýge, ártúrli muqtajdyqtarǵa bólingen 85 myń dollarǵa jýyq aqshasyn jaratyp qoıǵan. Al fırmaǵa aýdıtorlyq tekserý kelgeli jatqanyn estigende, jetispeıtin aqshanyń ornyn tonaý oqıǵasyn uıymdastyrý arqyly jaýyp jibermekshi bolǵan. Sol kúni kúdikti býhgalterııa kabınetine kirip, shkaftan kiltti alady da, seıfti ashyp, odan 100 myńnan asa AQSh dollary men 400 myńnan kóp teńgeni alady. Osydan keıin tonaý jasalǵandaı etip, aınalany shashyp tastaıdy. Bárin jasap bolǵasyn, esikti ishinen jaýyp, ózi terezeden shyǵyp ketedi. Er kisi aqshany bir jerge aparyp jasyrady», - delingen ońtústik Qazaqstan oblystyq ishki ister departamenti baspasóz qyzmetiniń habarlamasynda.
Keıin seıftegi bar aqshany alyp, keńseniń astan-kesteńin shyǵardy. Ol oqıǵa ornynan izin sýytyp, qarjyny bir jerge jasyrǵan", - dedi memlekettik til jáne aqparat basqarmasynyń jetekshisi Saltanat Qarakózova.
«Fransııa azamaty Shymkenttiń tártip saqshylary bul qylmystyń betin asha almaıdy dep oılaǵan bolar», - degen boljam jasady Saltanat Qarakózova.
Alaıda, seıftiń buzylmaǵanyn kórgen polıseıler bul qylmysty qyzmetkerlerdiń biri jasaǵanyn birden bildi. Atalǵan fakti boıynsha Qylmystyq kodekstiń 175-babyna sáıkes qylmystyq is qozǵaldy. Kúdikti qamaýǵa alyndy. Ol kinásin moıyndady.
Murat Aıtqoja.
Derekkóz: Remarka.kz.
Foto: Vremıa.