Mańǵystaý oblysyndaǵy Aqtaý qalalyq máslıhatynyń eks-depýtaty Qaıyrjan Argenovke qatysty sot úkimi shyqty. Bul týraly «Astana» telearnasy habarlady.
Q. Argenov jergilikti kásipkerlerdiń birine jer telimin bólip berý úshin odan 4 mln. teńge talap etken. Kelisilgen aqshany eks-depýtat alý sátinde quqyq qorǵaý qyzmetkerleriniń qolyna túsedi. Osyǵan oraı, qarjy polısııasy «alaıaqtyq» faktisi boıynsha qylmystyq is qozǵap, ony sottyń qaraýyna bergen bolatyn.
«Qaıyrjan Argenovti kináli dep sanap, Qazaqstan Respýblıkasy Qylmystyq kodeksiniń 177-babynyń 4-tarmaǵy boıynsha 6 jyl bas bostandyǵynan aıyrý jazasy berilsin. Bar múlki tárkilenip, jalpy rejımdegi túzetý kolonııasyna jetkizilsin»,-dedi úkimdi oqyǵan Aqtaý qalalyq sotynyń sýdıasy Maret Kovraeva.
Aıypkerdiń qorǵaýshysy Mustaqım Túleev bolsa, bul úkimmen kelispeı otyr. Naqty aıtqanda, ol kassasııalyq jáne apellıasııalyq sotqa shaǵymdanbaq.
Ámirhan Almaǵanbetov.
Derekkóz: «Astana» telearnasy.
Foto: Piter-piter.ru.