Melbýrnde ótip jatqan Aýstralııanyń ashyq birinshiliginiń ekinshi jarys kúni Qazaqstannyń úsh tennısshisi kortqa shyqty.
Bir ókinshtisi, soqyr jerebe Elena Rybakına men Zarına Dıasty alǵashqy aınalymda jolyqtyrdy. Álemniń 12-raketkasy atanyp otyrǵan Rybakına byltyr jáne bıyl birqatar týrnırde tabysty óner kórsetti. Al bul joly ol úsh settik saıysta 6:7, 7:6, 6:1 esebimen jeńiske jetti. Ekinshi kezeńde Rybakına qytaılyq Chjan Shýaımen sheberlik baıqasady.
ATR reıtınginde 253-orynda turǵan Tımofeı Skatov slovakııalyq Norbert Gomboshpen kúsh synasty. Osyndaı dúbirli dodaǵa alǵash ret qatysyp otyrǵan 20 jastaǵy jerlesimizdiń joly bolmady. Ol álemniń 117-raketkasyna 3:6, 2:6, 6:1, 4:6 esebimen ese jiberdi.