Almatyda polısııa qyzmetkerleri terrorızmge qarsy operasııaǵa baılanysty keıbir kósheni jaýyp tastady, dep habarlaıdy Egemen.kz.
Terrorızmge qarsy operasııa júrgizilýine baılanysty 19 qańtarda myna ýchaskelerde jol qozǵalysy ýaqytsha toqtatylady:
Abylaı han dańǵyly boıynsha Maqataev kóshesinen Bógenbaı batyr kóshesine deıin, soltústik jáne ońtústik baǵyttarda;
Tóle bı kóshesi boıymen Jeltoqsan kóshesinen Nazarbaev dańǵylyna deıin, shyǵys jáne batys baǵytta.
«Azamattardan ýaqytsha sharalarǵa túsinistikpen qaraýdy, qozǵalys baǵytyn aldyn ala túzetýdi jáne jol erejelerin múltiksiz saqtaýdy suraımyz», dedi Almaty Polısııa departamentiniń baspasóz qyzmeti ókili.