QR Parlamentiniń Májilisi Nursultan Nazarbaevtyń Qazaqstan halqy assambleıasy men Qaýipsizdik keńesine ómir boıy tóraǵalyq etýin joıý týraly zańǵa túzetýler engizý jónindegi usynysty qarady, dep habarlaıdy Egemen.kz Zakon.kz.-ke silteme jasap.
Bul týraly depýtat Qanat Nurov feısbýktegi paraqshasynda málimdegen.
«Áýeli Tuńǵysh Prezıdenttiń Qazaqstan halqy assambleıasy men Qaýipsizdik keńesindegi ómir boıy tóraǵalyǵyn alyp tastaý kerek boldy. Buny biz búgin atqardyq. Májilistiń bul tarıhı sheshimine depýtattar atsalysty», delingen depýtattyń jazbasynda.
Depýtattyń sózine sensek, «QR Tuńǵysh Prezıdenti – Elbasy», «Qazaqstan halqy assambleıasy týraly» jáne «Qazaqstan Respýblıkasynyń Qaýipsizdik keńesi týraly» konstıtýsııalyq zańdarǵa qajet barlyq túzetý endi Senatqa jiberiledi. Sebebi QHA men Qaýipsizdik keńesine tóraǵalyq etý tulǵasy boıynsha emes, laýazymy boıynsha zańdy túrde QR Prezıdentine tıesili.
Esterińizge sala keteıik, Qaýipsizdik keńesi tóraǵasy qyzmetin 5 qańtardan bastap Prezıdent Qasym - Jomart Toqaev atqarýda.