Nur-Sultan qalasynyń Altaı Kólginov Instagram paraqshasynda Ońtústik-Shyǵys eldi mekenin odan ári damytý jáne abattandyrý týraly aıtty, dep habarlaıdy Egemen.kz.
«Elordamyzdyń aýdandary men eldi mekenderin damytý boıynsha turǵyndarmen turaqty kezdesip turamyz. Ońtústik-Shyǵys eldi mekeniniń turǵyndarymen kezdesip, júzege asqan jumystarymyzdy jáne odan ári damý jolymyzdy talqyladyq.
Buǵan deıin Ońtústik-Shyǵys turǵyndary áleýmettik nysandardyń qajettiligi týraly problema kótergen bolatyn. Tıisti jumystar oryndalǵan soń bıyl Jeruıyq-2 saıabaǵy aýmaǵynda mektep pen balabaqsha qurylysyn bastaımyz», dedi elorda ákimi.
Budan bólek, kóktemde Almaty aýdanynda jumys isteıtin jastarǵa arnalǵan taǵy bir qoljetimdi turǵyn úı qurylysy aıaqtalatynyn jáne eldi mekenderde bıyldyń ózinde 4 mektep salý josparlanyp otyr.
«О́tken jyldardaǵydaı joldar men aýlalardyń, sol sııaqty qoǵamdyq keńistikterdiń (saıabaqtar, gúlzarlar, jelekjoldar) qurylysyna erekshe nazar aýdaramyz. Mysaly, Býrabaı kóshesinen Esil kóshesine deıin, sondaı-aq R.Qoshqarbaev dańǵyly – Qordaı kóshesinde úlken gúlzarlar salamyz, onda balalar da, úlken kisiler de ýaqytyn kóńildi ótkizetin bolady.
Ońtústik-Shyǵys eldi mekenin qaýipsizdendirý ári turǵyndarǵa jaıly bolýy úshin tolyqtaı jaryqtandyramyz.
Sondaı-aq Ońtústik-Shyǵys eldi mekeninde gazdandyrý jumysy júrip jatyr. Turǵyndardyń bir bóligi kógildir otynǵa qosyldy. О́zderińiz biletindeı, iri eldi mekenderdiń biri – Ońtústik-Shyǵys qalamyzdaǵy tútinniń negizgi kózderiniń biri bolyp sanalady. Gaz taratý jelilerin biz 9 eldi mekenge ornattyq. Osy maqsatta 680 km-dan astam gaz taratý jelisi salyndy. Gazdandyrý – Elbasynyń tarıhı jobasy, bul bastama qala turǵyndarynyń ómir súrýin barynsha qolaıly etýge, sondaı-aq qala ekologııasyn aıtarlyqtaı jaqsartýǵa múmkindik beredi.
Memleket basshysynyń tapsyrmasy boıynsha eldi mekenderimiz júıeli túrde damyp keledi. Qalamyzǵa qarasty 16 eldi meken bar. Máselen, eldi mekenderge 13,5 km ınjenerlik jeli, 5 km-den astam káriz jáne sý qubyry, 3 km-den astam nóser kárizi salyndy. Eki jyl ishinde 160-tan astam kóshe salyndy, áleýmettik nysandar, aýlalar men qoǵamdyq keńistikter jelisi aıtarlyqtaı keńeıtildi», dep jazdy elorda ákimi.