Bıylǵy qańtar aıynda bolǵan jappaı tártipsizdikter barysynda polısııa jáne áskerı qyzmetshilermen elde tártipti ornatý boıynsha aýqymdy operasııalar júrgizdi, dep habarlaıdy Egemen.kz QR IIM Qylmystyq-atqarý júıesi komıteti resmı málimdemesine súıenip.
Qazirgi ýaqytta quqyq qorǵaý organdary tergeý júrgizip jatyr. Qabyldanǵan sharalardyń nátıjesinde sottardyń sheshimimen kúdikti adamdar qamaýǵa alynǵan.
«Atalǵan adamdar tergeý ızolıatorlaryna qabyldanǵan kezde mindetti túrde medısınalyq tekserýden ótip, PTR-testiniń teris nátıjesimen qabyldanady.
Dene jaraqattary nemese qandaı da bir aýrýlar anyqtalǵan kezde olarǵa mindetti túrde medısınalyq kómek kórsetiledi jáne prokýratýraǵa habarlanady», dedi Qylmystyq-atqarý júıesi komıteti tóraǵasynyń orynbasary Meıram Aıýbaev.
Onyń aıtýynsha, mekeme tıisti medısınalyq kómek kórsete almaǵan jaǵdaıda olar azamattyq aýrýhanalarǵa jetkiziledi jáne arnaıy kúzetpen emdeledi.
«Búgingi tańda mundaı 31 adam bar, olardyń 29-y Almaty qalasynyń aýrýhanalarynda, bir-bireýden - Qyzylorda jáne Atyraý qalalyq aýrýhanalarda emdelýde. Olar dene jaraqattaryn tergeý ızolıatorlaryna kelgenge deıin aldy. Biz olardy qamaýǵa alǵanda anyqtap-tirkedik jáne prokýratýraǵa habarladyq», dedi IIM QAJ komıteti tóraǵasynyń orynbasary.