Aralas jekpe-jek álemindegi eń beldi uıym – UFC-de kúsh synasyp júrgen qazaqstandyq faıter Shavkat Rahmonov Las-Vegasta ótetin UFC Fight Night 200 týrnıriniń basty jekpe-jeginiń birinde judyryqtasatyn boldy.
5 aqpanǵa josparlanǵan UFC keshinde jerlesimiz Gaıana ókili Karlston Harrıspen kúsh synasady. Áýelgi jospar boıynsha bul jekpe-jek negizgi aıqastyń aldynda ótetin tizimde edi. Keıinnen uıymdastyrýshylar Rahmonov-Harrıs kezdesýin bir saty joǵarylatyp, negizgi jekpe-jekterdiń tizimine qosty. Bul – Shavkat Rahmonov úshin UFC-degi úshinshi, al meınkardyndaǵy debıýt jekpe-jegi bolmaq.
Aıta keteıik, UFC-de 2020 jyldan beri óner kórsetip kele jatqan jerlesimiz búginge deıin eki kezdesý ótkizip, eki retinde de qarsylastarynan basym tústi.