Qańtar aıynyń basynda oryn alǵan jappaı tártipsizdik barysynda joǵalǵan, urlanǵan qarýlardy anyqtaý maqsatynda polısııa qyzmetkerleri Jambyl oblysy, Sarysý aýdany aýmaǵynda qurylysy aıaqtalmaǵan, qaraýsyz qalǵan ǵımarattarǵa, aýyldardyń mańaıy jáne t.b. aýmaqtarǵa tekserý jumystaryn júrgizdi, dep jazady Egemen.kz.
Reıdtik is-sharalar barysynda Dosbol aýylynyń 43 jastaǵy turǵynynan tirkelmegen 12 kalıbrli tegis uńǵyly ańshy myltyǵy, 10 dana oq-dári, 5 gılza jáne 4 qoldan jasalǵan pyshaq anyqtaldy.
Sondaı-aq 24 jastaǵy osy aýyldyń turǵynynan zańsyz saqtalǵan 12 kalıbrli ańshy myltyǵy jáne 24 dana 12 kalıbrli oq-dári tabyldy.
Atalǵan azamattarǵa qatysty QR Ákimshilik quqyq buzýshylyq týraly kodekstiń 482-babymen (Qarýdy zańsyz ıelenip alý, berý, ótkizý, saqtaý, alyp júrý, tasymaldaý) hattama toltyryldy.