Ekinshi orta salmaq dárejesindegi álemniń absolıýtti chempıony, meksıkalyq Saýl «Kanelo» Alvares pen otandasymyz Gennadıı Golovkın arasyndaǵy úshinshi jekpe-jek bıyl ótýi múmkin, dep habarlaıdy Egemen.kz.
Bul týraly belgili boks sarapshysy Maık Koppındjer aqparat taratty. Sońǵy derekterge sensek, promoýter Eddı Hırn Saýl Alvareske eki birdeı jekpe-jek uıymdastyrý týraly usynys jasaǵan. Ol birinshi kezekte meksıkalyq boksshynyń jartylaı aýyr salmaqtaǵy WBA tujyrymy boıynsha álem chempıony Dmıtrıı Bıvolmen mamyr aıynda sharshy alańda kezdeskenin qalaıdy. Al Golovkın-Alvares trılogııasyn 17 qyrkúıekte uıymdastyrýǵa bel býyp otyr. Shaıqas uıymdastyrylǵan jaǵdaıda ekinshi orta salmaq dárejesinde ótpek.