Fýtzaldan Qazaqstan quramasy Eýropa chempıonatynyń shırek fınalynda toptyq kezeńde A tobynda ekinshi oryn alǵan Ýkraına quramasymen kezdesedi, dep habarlaıdy Egemen.kz.
Sheshýshi matchte Ýkraına Portýgalııadan 0:1 esebimen jeńilip qaldy, al olardyń qarsylasy - Nıderlandy quramasy Serbııaǵa 2:3 esebimen ese jiberip, qajetti nátıjege qol jetkize almady. Osylaısha, Ýkraına quramasy Eýro-2022-de úsh upaı jınap, qosymsha kórsetkishter boıynsha qarsylastarynan ozyp, ekinshi orynǵa ornyqty.
Eske salaıyq, Italııany jeńgen Qazaqstan quramasy jeti upaı jınap, B tobynda birinshi orynmen pleı-offqa shyqty. Qazaqstan - Ýkraına shırek fınaly 31 qańtarda ótedi.