Memleket basshysy Qasym-Jomart Toqaev «Habar» jáne «Habar 24» telearnalaryna bergen suhbatynda Qazaqstandaǵy oqıǵalarǵa qatysty Eýroparlament qarary jóninde pikir bildirdi, dep habarlaıdy Egemen.kz.
Suhbat júrgizýshisi Prezıdentten bul qujat pen jalpy Eýroparlament ınstıtýtyna kózqarasyn surady.
«Instıtýt retinde Eýropa Parlamentine rasıonaldy túrde qaraımyn deýge bolady. О́ıtkeni ınstıtýttyń ózi bar. Eger adamdar oǵan múshe memleketterdiń qansha qarjy tóleıtinin bilse, bul ınstıtýtqa synı kózqaras basym bolar edi. Biraq qandaı jaǵdaı bolsa da, pikir bildirgim kelmeıdi, óıtkeni bul Eýropalyq Odaqtyń sharýasy. Eger olar mundaı ınstıtýtty osynsha qarajatqa ustap turý kerek dep sanasa, marhabat», dedi Qasym-Jomart Toqaev.
Prezıdent bul qarardyń esh mindetti emes, usynymdyq sıpatta ǵana ekenin eske saldy.
«Olar Qazaqstan boıynsha ekinshi ret qarar qabyldady, bul joly esh ádiletsiz, aldyn ala qabyldap otyr. Sondyqtan meniń bul sheshimge degen kózqarasym jaıbaraqat», dedi Q. Toqaev.