QR Ekologııa, geologııa jáne tabıǵı resýrstar mınıstriniń buıryǵymen Janat Samat «Jasyl Damý» AQ Basqarma Tóraǵasy bolyp taǵaıyndaldy, dep habarlaıdy Egemen.kz.
Janat Samat 1980 jyly Aqtaý qalasynda dúnıege kelgen.
2001 jyly Sh. Esenov atyndaǵy Aqtaý ýnıversıtetin bitirgen.
Eńbek jolyn 2001 jyly Mańǵystaý oblysy boıynsha Salyq komıtetiniń iri salyq tóleýshilerdi taldaý jáne monıtorıng bóliminiń bas salyq ınspektory retinde bastady. Ár jyldary óńirdiń salyq komıtetinde kelispeýshilikter men konsýltasııalar bóliminiń, jeke tulǵalar aýdıti bóliminiń, jer qoınaýyn paıdalanýshylar aýdıti bóliminiń bas salyq ınspektory bolyp jumys istedi.
2008 jyly Mańǵystaý oblysynyń kásipkerlik jáne ónerkásip basqarmasy bastyǵynyń orynbasary bolyp taǵaıyndaldy, sodan keıin «Kaspıı» ÁKK» UK» AQ Basqarma tóraǵasynyń orynbasary laýazymyna taǵaıyndaldy.
2014 jyldan 2016 jylǵa deıin Qyzylorda qalasynda «Baıqońyr» ÁKK» UK» AQ Basqarma tóraǵasy bolyp jumys istedi.
2019 jyldan bastap Qazaqstan Respýblıkasy Ekologııa, Geologııa jáne tabıǵı resýrstar mınıstriniń keńesshisi boldy.
2020 jyldan bastap Qazaqstan Respýblıkasy Ekologııa, geologııa jáne tabıǵı resýrstar Mınıstrligi janyndaǵy «Qorshaǵan ortany qorǵaýdyń aqparattyq-taldaý ortalyǵy» ShJQ RMK bas dırektory bolyp jumys istedi.
Eske sala ketsek, «Jasyl Damý» AQ Qazaqstanda kádege jaratý alymy boıynsha jańa operator bolyp belgilendi.