Grýzııa bıligi qoǵamdyq oryndarǵa barý úshin qajetti «kovıd-pasporttary» júıesin joıdy. Bul týraly koronavırýs úılestirý keńesiniń jedel shtabynyń basshysy Georgıı Gıbradze málimdedi, dep habarlaıdy Egemen.kz.
«Elde ınfeksııanyń taralý sany edáýir artty jáne bul júıe qazir tıimdi emes. El ishinde jasyl tólqujattar mindetti emes», dep túsindirdi Gıbradze.
Onyń aıtýynsha, «kovıd-tólqujattary» shet elderge barǵysy keletin adamdarǵa áli de qajet bolady. Gıbradze omıkron koronavırýsynyń jańa shtammymen jappaı juqtyrǵanyna qaramastan, jaǵdaıdy baqylaýǵa bolatyndyǵyn aıtty.
«Jasyl pasport» nemese «kovıd-pasporty» - bul azamattyń kovıd-mártebesi týraly málimetter engiziletin elektrondyq qujat. Onda vaksınasııanyń tolyq kýrsynan ótý, aýrýdyń merzimi, PTR-test nátıjeleri jınaqtalǵan.