Qazaqstan Respýblıkasy Aqparat jáne qoǵamdyq damý mınıstrliginiń bastamasymen alǵash ret «Qazaqstan halqy ertegileri» atty Qazaqstan etnostarynyń halyq ertegileri jınaǵy jaryq kórdi.
Atalǵan jınaq memlekettik tilde eki tomda shyǵaryldy jáne 4-7 men 8-11 jastaǵy balalarǵa arnalǵan. Kitapqa elimizdiń 25 iri etnosynyń 114 halyq ertegisi endi, onyń ishinde orys, ózbek, koreı, nemis, cheshen, ıngýsh jáne basqa da etnostardyń ertegileri bar.
Jobany damytý sheńberinde «Qoǵamdyq kelisim» RMM qoǵamdyq belsendilerdiń qoldaýymen «Ertegiler álemi» aýdıopodkastyn bastady, bastama aıasynda ertegiler dybystalyp, aýdıonusqalary YouTube vıdeohostıngine júkteldi jáne iOS, Android mobıldi júıeleriniń negizinde jumys isteıtin tanymal aýdıo-alańdarda ornalastyrylýda.
Qazirgi ýaqytta ertegilerdiń tórt aýdıojazbasy jarııalandy.