Bul týraly QR Ulttyq olımpıada komıteti málimdedi, dep jazady Egemen.kz.
Saltanatty rásim Beıjińniń soltústigindegi Olımpıadalyq saıabaqtan bastaý aldy. Alaý estafetasyn resmı túrde Qytaı memlekettiń keńesiniń birinshi vıse-premeri Han Chjen ashty.
Uıymdastyrý komıteti ǵalamdyq pandemııaǵa baılanysty estafetanyń baǵyty men uzaqtyǵyn birshama qysqartqan. Koronavırýs ınfeksııasynyń aldyn alý maqsatynda estafetaǵa kórermender qatysyp jatqan joq.
Odan bólek, alaýdy adamdar turatyn kósheler men aýdandardan alys jerlerde alyp júrý kózdelgen. Estafeta úsh olımpıadalyq klaster boıynsha 12 kezeńnen turady. Alaýdy alyp júrýge 14 pen 86 jas aralyǵyndaǵy jalpy esebi 1200 alaý ustaýshy qatysýda. Sondaı-aq, tarıhta alǵash ret alaýdy adamdar ǵana emes, mashınalar da alyp júredi.
Olımpıada oıyndarynyń resmı ashylý rásimi 4-aqpan, Nur-Sultan ýaqytymen 17:55-te bastalady.