Boxingnews24.com portalynyń turaqty avtorlarynyń biri Djeff Sorbı IBF jáne IBO tujyrymdary boıynsha orta salmaqtaǵy álem chempıony, otandasymyz Gennadıı Golovkın men WBA (super) beldiginiń ıegeri, japonııalyq Rıota Mýrata arasyndaǵy jekpe-jektiń jergilikti boksshynyń kásibı mansabyna qalaı áser etetini týraly oıymen bólisti, dep habarlaıdy Egemen.kz Sports.kz-ke silteme jasap.
«35 jastaǵy Rıota Mýrata eki jyldan astam ýaqyttan beri sharshy alańǵa kóterilgen joq. Sondyqtan onyń boıynda bir jekpe-jekke ǵana jetetin kúsh qaldy dep aıtýǵa bolatyn sekildi. Al bul shaıqasta ol jeńilistiń kermek dámin tatsa, kásibı mansabyn aıaqtaı berýine ábden bolady. Kerisinshe sensasııa avtory atanyp, qazaqstandyqtan aılasyn asyrsa, jurt onyń «Kanelomen» kezdeskenin qalaıtyny daýsyz. О́ıtkeni mundaı jekpe-jek jankúıerler úshin óte qyzyqty bolmaq», deıdi ol óz oıyn túıindep.