Qostanaı oblysynda jańa sybaılas jemqorlyqqa qarsy qyzmet basshysy taǵaıyndaldy, dep habarlaıdy Egemen.kz.
Sybaılas jemqorlyqqa qarsy qyzmettiń Qostanaı oblysy boıynsha jańa basshysy qyzmetine Serikjan Myrzaly taǵaıyndaldy.
Jańa basshyny QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov tanystyrdy.
Serikjan Qýanyshbekuly 1979 jyly Shyǵys Qazaqstan oblysynyń Jańa Shúlbi aýylynda týǵan.
Qaraǵandy qalasynda Qazaqstan Respýblıkasynyń ishki ister mınıstrliginiń joǵarǵy mektebi jáne Qaraǵandy ekonomıkalyq ýnıversıtetin bitigen.
Qadaǵalaý organyndaǵy eńbek jolyn Pavlodar qalasy prokýratýrasynyń prokýrory qyzmetinen bastady.
Pavlodar oblysy prokýratýrasynyń aldyn ala tergeý jáne anyqtaý zańdylyǵyn qadaǵalaý bóliminiń prokýrory, Pavlodar oblysynyń Ertis jáne Pavlodar aýdandary prokýrorlarynyń orynbasary, Pavlodar oblysy prokýratýrasynyń aldyn ala tergeý jáne anyqtaý zańdylyǵyn qadaǵalaý bóliminiń bastyǵy laýazymynda qyzmet atqardy.
2006-2009 jyldary aralyǵynda Ońtústik Qazaqstan oblysy prokýratýrasynda qyzmet atqardy. Keıinnen Qazaqstan Respýblıkasynyń arnaıy esep jáne quqyqtyq statıstıka Komıtetiniń quqyqtyq statıstıkany qalyptastyrý basqarmasynyń bastyǵy qyzmetine taǵaıyndaldy.
2012j. Qazaqstan Respýblıkasynyń ekonomıkalyq jáne sybaılas jemqorlyqpen kúres Agenttiginde, Qazaqstan Respýblıkasynyń sybaılas jemqorlyqqa qarsy jáne memlekettik ister boıynsha agenttiginde jumys istedi, keıinnen, qyzmetin prokýratýra organdarynda jalǵastyrdy.
Quqyq qorǵaý qyzmetinde jumys ótili 24 jyl, «Jaýyngerlik erligi úshin» medalimen marapattalǵan.