Almatyda qylmystyq top baqylaýyndaǵy kompanııalar arqyly uıymdarǵa salyq tóleýden jaltarý boıynsha kómektesken, dep habarlaıdy Egemen.kz qarjy monıtorıngi agenttiginiń baspasóz qyzmetine silteme jasap.
Almatyda materıaldyq syıaqy úshin jalǵan shot-faktýralar men býhgalterlik qujattar jasaýmen aınalysqan, quramynda jeti adam bar qylmystyq topqa qatysty sotqa deıingi tergeý aıaqtaldy.
«Bul tulǵalar 2018 jyldan bastap 2020 jylǵa deıin kommersııalyq uıymdarǵa jalpy somasy 3 mıllıard teńgeden asatyn 4 kommersııalyq kompanııa arqyly salyq tóleýden jaltarý boıynsha kómektesti. Sondaı-aq aıyptalýshylar turǵylyqty jerinde salmaǵy 849 gramm bolatyn tyıym salynǵan «marıhýana» esirtkisin ósirgeni anyqtaldy», delingen habarlamada.
Sot úkimimen aıyptalýshylar Qylmystyq Kodekstiń 216-baby 3-bóligi «Is júzinde jumysty oryndamaı shot-faktýra jazý boıynsha is-áreketter jasaý» boıynsha kináli dep tanylyp, olarǵa 3 jyldan 4,8 jylǵa deıin túrli merzimge bas bostandyǵynan aıyrý jazasy taǵaıyndaldy.
Almaty polısııasy tyıym salynǵan esirtki zattaryna qatysty isti tergeıdi.