Elimizdiń birneshe óńirinde daýyl týraly eskertý jarııalandy, dep habarlaıdy Egemen.kz «Qazgıdromet» RMK-ǵa silteme jasap.
Kúndiz Aqtóbe oblysynyń ońtústik-batysynda jáne ortalyǵynda burqasyn, kóktaıǵaq kútiledi. Ońtústik-shyǵystan, ońtústik-batystan jáne oblys ortalyǵynan soqqan jeldiń ekpini 15-20 m/s jetedi.
Túnde jáne tańerteń Almaty oblysynyń ońtústigi men shyǵysynda tuman túsedi, oblystyń soltústik-shyǵysynda ońtústik-shyǵystan, taýly, taý bókterindegi aýdandarda 17-22 m/s, Alakól kólderiniń aýdanynda ekpini 23-28 m/s, keıde 30 m/s jáne odan da kóp jel turady. Taldyqorǵan qalasynda túnde jáne tańerteń tuman kútiledi.
Atyraý oblysynyń batysynda, soltústiginde jáne ortalyǵynda tuman kútiledi. Atyraý qalasynda tuman túsedi.
Qaraǵandy oblysynyń batysynda, shyǵysynda, ortalyǵynda shyǵystan, ońtústik-shyǵystan 15-20 m/s jel soǵady, ekpini 25 m / s jetedi.
Qyzylorda oblysynyń soltústiginde, ortalyǵynda tuman saqtalady. Soltústikte ońtústik-shyǵystan jel soǵady, oblys ortalyǵynda 15-20 m/s jyldamdyqpen soǵady, Qyzylorda qalasynda Keı kezde tuman túsedi. Kúndiz ońtústik-shyǵystan 15-20 m/s jel soǵady.
Mańǵystaý oblysynyń batysy men ortalyǵynda kóktaıǵaq kútiledi. Oblystyń soltústiginde tuman kútiledi. Ońtústik-shyǵystan soltústik-batysqa aýysatyn jel, kúndiz oblystyń batysynda ekpini 17-22 m/s, Aqtaý qalasynda soltústik-batystan jel soǵady, kúndiz ekpini 17-22 m/s jetedi.
Túrkistan oblysynyń soltústigi men taýly, taý bókterindegi aýdandarynda tuman kútiledi. Oblystyń soltústiginde jáne taýly aýdandarda ońtústik-shyǵystan 15-20 m / s jel soǵady, kúndiz ekpini 23 m/s jetedi.