Ábdijámil Nurpeıisov jaıynda

Ol 1924 jyly 22 qazanda Qyzyl­orda oblysy Aral aýdanynyń Qulan­dy aýyldyq keńesine qarasty Úshkóń aýylynda týǵan.

Maıdanger-jazýshy 1942-1945 jyldary Uly Otan soǵysyna qatysqan. 1956 jyly Máskeýdegi M.Gorkıı atyndaǵy Ádebıet ıns­tıtýtyn bitir­gen, 1962-1964 jyldary «Juldyz» jýrna­lynyń bas redaktory boldy. 1992 jyldan halyqaralyq Qazaq PEN klýbynyń prezıdenti, 2000 jyldan «Tań-Sholpan» jýrnaly redaktorlar keńesiniń tóraǵasy qyzmetin atqardy.

Ádebıetke 1947 jyldan aralasa bastady. Tuńǵysh shyǵarmasy – soǵys taqyrybyna arnalǵan «Kýrlıandııa» romany 1950 jyly jaryq kórdi. Bul shyǵarmasy úshin jazýshyǵa Jambyl atyn­daǵy res­pýblıkalyq syılyq berildi. «Kýr­lıandııa» romanyn keıinnen óńdep, tolyqtyryp, 1958 jyly «Kútken kún» degen atpen qaıta jarııalady. «Qan men ter» trılogııasy (1-kitap – «Ymyrt», 1961; 2-kitap – «Sergeldeń», 1964; 3-kitap – «Kúıreý», 1970) jáne «Seń» (1983), «Sońǵy paryz» (1999) romandary kóptegen tilge aýda­rylǵan.

«Qan men ter» romany boıynsha jasalǵan ınssenırovkasy M.Áýezov atyndaǵy akademııalyq qazaq drama teatrynyń (1974 jyldan) repertýa­rynan turaqty oryn aldy, ekranǵa shyǵaryldy. «Sońǵy paryz» roman-dılogııasy – áleýmettik-psı­ho­logııalyq shyǵarma. Dılo­gııada Aral teńiziniń apatqa ushy­raý hıkaıasy naqty sýrettelgen. Shyǵarmada ekologııa, ta­bıǵat pen adam ara qatynasyn tol­ǵaǵan qalamger oqyrmandardy rýhanı-adamgershilik murattarǵa je­teleıdi. Tańdamaly ádebı-syn maqalalary «Tolǵaý» (keıinnen «Jú­regi toly jyr edi») degen atpen qazaq jáne orys tilderinde jeke kitap bolyp shyq­ty (1972), 1985 jyly «Aq­bıdaı týraly ańyz» atty ocherk­ter jınaǵy ja­ryq kórdi.

Jazýshy A.P.Chehovtyń, A.M.Gor­­­kııdiń, Nazym Hıkmet­tiń, ıs­pan jazýshysy A.Kesonnyń shyǵar­malaryn qazaq tiline aýdarǵan.

2001 jyly Máskeýdegi Ha­lyq­­aralyq Ádebı qordyń «Za chest ı dostoınstvo», 2003 jyly Halyqaralyq M.Sholohov atyn­daǵy syılyqtardyń laýreaty atandy. Qyzyl Juldyz, Eńbek Qyzyl Tý, «Qurmet Belgisi», Halyqtar dostyǵy (1984), «Otan» (1994) ordenderimen jáne medaldarmen, RSFSR Joǵarǵy Keńesi Prezıdıýmynyń Qurmet gramotasymen marapattalǵan.

Mádenıet jáne sport mınıstrligi