«Qazgıdromet» RMK-sy aqpannyń 8-i kúngi kún raıy boljamyn jarııalady, dep habarlaıdy Egemen.kz.
Atmosferalyq frontaldy bólikterdiń ótýine baılanysty Qazaqstan aýmaǵynyń basym bóliginde qar, respýblıkanyń ońtústik jáne ońtústik-shyǵysynda jaýyn-shashyn (jańbyr, qar) jaýady. Keı jerlerde kóktaıǵaq, tuman túsip, soltústik pen shyǵysta jel kúsheıedi.
Aqmola oblysynyń batysynda, ońtústiginde jaıaý burqasyn bolyp, oblystyń batysynda jeldiń jyldamdyǵy sekýndyna 15-20 metrge kúsheıedi.
Shyǵys Qazaqstan oblysynyń ońtústik-batysynda jaıaý burqasyn bolyp, oblystyń batysynda, shyǵysynda jeldiń jyldamdyǵy sekýndyna 15-20 metrge jetedi.
Soltústik Qazaqstan oblysynyń ońtústik-batysynda, batys jáne soltústiginde, Qostanaı oblysynyń ońtústiginde jaıaý burqasyn bolyp, Qostanaı oblysynyń soltústiginde tuman túsedi.
Almaty oblysynyń ońtústiginde jáne shyǵysynda, Túrkistan oblysynyń ońtústiginde, batysynda, taýly jáne taý bókterli aýdandarynda, Atyraý oblysynyń batysynda jáne ortalyǵynda, Qyzylorda oblysynyń soltústiginde jáne ortalyǵynda, túnde Mańǵystaý oblysynyń soltústik-shyǵysynda tuman túsip, kóktaıǵaq bolady.
Túnde Jambyl oblysynyń ońtústik-batysynda, kúndiz soltústik-shyǵys jáne taýly aýdandarynda tuman túsip, kóktaıǵaq bolady, soltústik-shyǵysta jáne taýly aýdandarda jeldiń jyldamdyǵy sekýndyna 15-20 metrge jetedi.
Batys Qazaqstan oblysynyń soltústiginde, Aqtóbe oblysynyń ońtústiginde tuman túsýi yqtımal.