Ulttyq bank bazalyq mólsherlemeni jyldyq 18 paıyz deńgeıinde saqtap qaldy. Osylaısha bul kórsetkish ótken jyldyń qazan aıynan beri ózgerissiz qalyp otyr, dep habarlaıdy Egemen.kz.
Ulttyq bank bıyl 6 naýryzda da bazalyq mólsherlemeni 18 paıyz deńgeıinde qaldyrǵan edi.
«Ulttyq banktiń Aqsha-kredıt saıasaty jónindegi komıteti bazalyq mólsherlemeni jyldyq 18 paıyz deńgeıinde belgiledi. Paıyzdyq dáliz +/- 1,0 p.t. qurady», delingen habarlamada.
Ipotekalyq naryq keńeıtildi: Kommersııalyq bankter jańa júıege qosyldy
Aıta keteıik, bazalyq mólsherleme ekonomıkadaǵy nesıe, depozıt jáne aqsha qunynyń «baǵyt berýshi baǵasy» faktory retinde qyzmet atqarady. Buǵan deıin eldiń bas bankıri Tımýr Súleımenov bazalyq mólsherlemeni bekitý úshin janar-jaǵarmaı baǵasy, kommýnaldyq tarıf quny qalaı óskenin, sondaı-aq bıznestiń jańa salyq ózgeristerine qalaı beıimdeletinin baıqaıtynyn atap ótken bolatyn.
Endi boryshkerlerdiń bank shottary tolyq buǵattalmaıdy
Osyǵan deıin Halyk Finance sarapshylary da Ulttyq bank mólsherlemeni ózgerissiz qaldyrady dep boljaǵan edi. Mamandardyń paıymdaýynsha, ınflıasııanyń baıaýlaýy áli de turaqsyz. Sondyqtan maýsym aıyndaǵy sheshim de qazirgi kórsetkishten aýytqymaýy yqtımal.