Atyraý oblysynyń Jangeldın aýylynda Qarabalınder áýletiniń múshelerin óltirý deregi boıynsha tergeý barysyna qatysty jańa málimetter belgili boldy. Prokýratýranyń habarlaýynsha, kúdikti Sultan Sarsemalıev qylmysty bir ýaqytta emes, kezeń-kezeńimen jasaǵan. Birinshi oqıǵa mamyr aıynda tirkelse, qalǵan úsh adam qarasha aıynda qaza tapqan, dep habarlaıdy Egemen.kz.
Tergeý derekterine sáıkes, kúdikti qylmysty jalǵyz ózi jasaǵan, úshinshi tulǵalardyń qatysy joq. Sot-psıhıatrııalyq saraptama qorytyndysy boıynsha Sultan Sarsemalıev esi durys dep tanylyp, óz áreketteri úshin jaýap bere alatyny anyqtalǵan.
Atyraýdaǵy erli-zaıyptynyń ólimi: Kúdiktini ustaý sátinen foto-vıdeo jarııalandy
Atyraý oblysy prokýratýrasy ókiliniń aıtýynsha, qaza tapqandardyń denesinen as pyshaǵymen salynǵan birneshe pyshaq jaraqaty tabylǵan.
«Árbir jábirlenýshiniń keýde, moıyn jáne ómirlik mańyzdy músheler tusynan altydan astam jaraqat salynǵan», delingen málimette.
Al Aqbaıan Muqanǵalıevaǵa qatysty sot-psıhıatrııalyq saraptama qorytyndysy áli tolyq daıyn emes. Onyń psıhıkalyq jaǵdaıyn naqty anyqtaý úshin Almaty qalasynda qaıta saraptama taǵaıyndalǵan.
Atyraýdaǵy qandy oqıǵa: taǵy da eki adamnyń máıiti tabyldy
Qaza bolǵandardyń týystary istiń ashyq sotta qaralýyn talap etip otyr. Olardyń aıtýynsha, sot barysynda barlyq mán-jaı tolyq aıtylýy tıis.
Qylmystyq is aldaǵy mamyr aıynda sotqa joldanýy múmkin. Tergeý jalǵasyp jatyr.