Qazaqstan kvotasymen ózge el azamattaryn qajylyqqa aparǵandarǵa Qazaqstan jáne Saýd Arabııasy tarapynan zańdy sharalar qoldanylady. Bul týraly Astanada ótken 2026 jylǵy qajylyqty uıymdastyrýǵa arnalǵan keńeıtilgen jınalysta aıtyldy, dep habarlaıdy Egemen.kz.
Qazaqstan Qajylyq Mıssııasy men resmı týroperatorlar qatysqan basqosýda bıylǵy qajylyq saparynyń basty talaptary men qaýipsizdik máseleleri pysyqtaldy.
Jıyndy ashqan Mıssııa tóraǵasy Kenjetaı Baıkemeluly bıylǵy qajylyqtyń basty maqsaty – otandastarymyz úshin qajylyqty rýhanı mazmundy ári uıymdastyrý jaǵynan minsiz ótkizý ekenin atap ótti. Qasıetti sapardyń barynsha qolaıly ári qaýipsiz bolýy úshin birneshe negizgi baǵyt boıynsha jumys júrgizilmek.
Qajylyq sapary: El azamattary úshin qaýipsiz áýe baǵyttary uıymdastyrylady
QMDB týroperatorlarǵa eskertý jasadyBıyl qajylyqty uıymdastyrýǵa ruqsat alǵan 14 otandyq týroperator basshylyǵyna Qazaqstan jáne Saýd Arabııasy tarapynyń qajylyq maýsymyna baılanysty birqatar mańyzdy eskertýleri men talaptary túsindirildi. Solardyń ishinde árbir qajy Qazaqstan aýmaǵynan tek resmı týrkodpen shyǵýy kerek. Bul sharalar qajylyq arnasynda zańsyzdyqty aldyn alýǵa baǵyttalǵan.
Qajylyq sapary alaıaqtyqtan qashan arylady?
Sondaı-aq, qazaqstandyq kvotamen ózge el azamattaryn qajylyqqa aparǵandarǵa Qazaqstan jáne Saýd Arabııasy tarapynan zańdy sharalar qoldanylady. Qajylyqty tek memlekettik lısenzııasy men QMDB ruqsaty bar kompanııalar ǵana júzege asyrady. Bul is-áreketter qajylardyń qulshylyǵyn tynysh ári rettelgen jaǵdaıda ótkizýge jaǵdaı jasaıdy.
«Qajy Guide» mobıldi qosymshasy tanystyryldyJıyn barysynda qajylarǵa arnalǵan «Qajy Guide» mobıldi qosymshasynyń jumysy tanystyryldy. Bul servıstik júıe qajylarǵa sapar barysynda aqparattyq jáne tehnıkalyq kómek kórsetýdi jeńildetpek. Sonymen qatar, qajylardyń mindetti vaksınasııalanýy men densaýlyq saqtaý hattamalarynyń oryndalýy baqylaýǵa alyndy.