Qazaqstan telearnasynda Aqparat jáne qoǵamdyq damý mınıstrliginiń tapsyrysy boıynsha túsirilgen 12 serııaly «Saraı syry» serıalynyń kórsetilimi bastaldy, dep habarlaıdy Egemen.kz.
Fılmniń sıýjeti Bókeı Ordasyn 1823 jyldan 1845 jylǵa deıin basqarǵan Jáńgir hannyń ómir tarıhy jaıly. Serıal Ordany basqarýdyń ishki prosesteri týraly ǵana emes, sonymen birge mańyzdy álemdik tarıhı oqıǵalardy qamtıdy. Joba Jáńgir hannyń óziniń de, basqa da tarıhı keıipkerlerdiń kúrdeli de san qyrly tulǵasyn asha túsedi.
«Orynbor jáne Ýfa qalalary múftıiniń qyzy Fatıma hanshanyń Han ordasyna kelip túsýimen hıkaıadaǵy shytyrman oqıǵalar jańa ópic alady. Handyqtyń sońǵy jyldarynda Isataı men Mahambettiń tulǵasyna qatysty shıeleniske toly tarıhı oqıǵalar da qamtylǵan. Bul oqıǵalardyń kópshiligi tarıhı shyndyq bolǵanymen, telehıkaıada kórkem shyǵarmaǵa tán stılmen astasa beriledi», deıdi joba jetekshisi Arman Sqabyluly.
Serıaldyń rejısseri — Baqyttas Sanıtas.
Telehıkaıada Jáńgir hannyń rólin О́miráli Medǵat, Fatımanyń rólin — Ámına Mektepbaeva, Isataı batyrdyń rólin — Nurlan Saǵynaev, Mahambet О́temisovtiń rólin — Darhan Súleımenov somdady.
«Saraı syry» hıkaıasyn Qazaqstan arnasynyń efırinen 7 aqpan men 22 aqpan aralyǵynda saǵat 21:30-da kórýge bolady.