Bıylǵy 2 aqpanda Qazaqstan Respýblıkasynyń Prezıdenti Qasym-Jomart Toqaev Qazaqstan Respýblıkasynda 2022-2026 jyldarǵa arnalǵan sybaılas jemqorlyqqa qarsy saıasat Tujyrymdamasyn jáne ony iske asyrý jónindegi is-qımyl josparyn bekitý týraly Jarlyqqa qol qoıdy, dep habarlaıdy Egemen.kz.
Strategııalyq qujat halyqaralyq standarttarǵa, úkimettik emes uıymdardyń, bıznes-qoǵamdastyqtyń, memlekettik organdardyń, uıymdar men azamattardyń usynystaryna negizdelgen.
Tujyrymdama zardaptarmen kúresten sybaılas jemqorlyqtyń alǵysharttaryn júıeli túrde joıýǵa, jaýapkershiliktiń bultartpastyǵyn qamtamasyz etýge, qoǵamdyq sanany túbegeıli ózgertýge baǵyttalǵan.
Osy Jarlyqqa sáıkes Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy strategııasy jáne tıisinshe onyń ishki jáne syrtqy monıtorıng tetikteri (arnaıy qurylǵan monıtorıngtik top) kúshin joıǵanyn atap ótken jón.
Tujyrymdamanyń qoǵamdyq monıtorıngi memlekettik organdardyń jobalyq ofısteri, Qoǵamdyq keńester jáne basqa da táýelsiz alańdar arqyly júzege asyrylatyn bolady.
Strategııalyq qujattyń tolyq mátinimen kelesi silteme boıynsha tanysa alasyzdar: http://adilet.zan.kz/rus/docs/U2200000802